«mehribonlik uyi» tegli maqolalar
Bo‘stonliqdagi Mehribonlik uyi oromgohida bola boshqa tarbiyalanuvchilar tomonidan kaltaklandi
Toshkent viloyatidagi Mehribonlik uyi oromgohida Chilonzor tumanidagi 22-sonli Mehribonlik uyidan kelgan o‘smirlar o‘rtasida janjal sodir bo‘lgan. Holat videoga olinib, ijtimoiy tarmoqlarga tarqatilgan. Viloyat IIB tergovga qadar tekshiruv boshlanganini ma’lum qildi.
Xorazmda mehribonlik uyi tarbiyalanuvchilarini zo‘rlaganlar ishi Toshkentda ko‘rib chiqiladi
Xorazmda mehribonlik uyi tarbiyalanuvchilari bilan jinsiy aloqada bo‘lganlikda ayblangan ikki nafar sobiq amaldorning ishi jinoyat ishlari bo‘yicha Toshkent shahar sudiga o‘tkazildi. Avvalroq Oliy sud ishni qayta ko‘rish uchun apellyatsiya instansiyasiga qaytargan edi.
Xorazmda mehribonlik uyi tarbiyalanuvchilarini zo‘rlaganlar ishi qayta ko‘riladi
Xorazmdagi mehribonlik uyi qizlarini 10 oy davomida zo‘rlaganlikda ayblanib, 1,5 yil muddatga ozodligi cheklangan ikki shaxsning ishi qayta ko‘riladi. Oliy sud Xorazm prokuraturasi protestini qanoatlantirdi va ishni apellyatsiya instansiyasida yangitdan ko‘rishga yubordi.
Mehribonlik uyi tarbiyalanuvchilari bilan jinsiy aloqada bo‘lgan amaldorlar ozod etilgan
Xorazm viloyatida oilaviy mehribonlik uyining voyaga yetmagan 3 nafar tarbiyalanuvchisi viloyat adliya boshqarmasi va tuman FVV rahbarlari bilan jinsiy aloqa qilishga majburlangan. Mehribonlik uyi rahbari 5 yilu 6 oyga qamalgan, mansabdor shaxslarning esa ozodligi cheklanib, qo‘yib yuborilgan.
21-sonli mehribonlik uyi binosi va hududi XTV balansida qoladi — Milliy gvardiya
Ijtimoiy tarmoqlarda foydalanuvchilar yopilgan 21-mehribonlik uyi hududi savdo obyektlari qurilishi uchun berilishidan xavotir bildirishdi. Milliy gvardiya mehribonlik uyi XTV balansida qolishi, uning o‘rnida yangi bolalar muassasasi paydo bo‘lishi va maqomi vazirlik tomonidan belgilanishiga ishontirdi.
Toshkentdagi Mehribonlik uyida sodir etilgan o‘g‘rilik va huquqbuzarlik yuzasidan jinoyat ishi qo‘zg‘atildi
Prokuratura Toshkent shahridagi 21-sonli Mehribonlik uyi faoliyatini tekshirgandan so‘ng, jinoyat ishi qo‘zg‘atdi. Aprel oyida muassasa tarbiyalanuvchilari xodimlarning biridan norozi bo‘lib, namoyish uyushtirgandi. Prokuratura bir qator qonunbuzarliklar, jumladan, mablag‘larni o‘zlashtirish holatlarini aniqladi. Mehribonlik uyi direktori bilan tuzilgan mehnat shartnomasi bekor qilindi.
XTV Toshkentdagi Mehribonlik uyidagi vaziyat yuzasidan izoh berdi
Toshkentdagi 21-Mehribonlik uyida yuzaga kelgan vaziyat o‘rganilganda, muassasa tarbiyalanuvchilari tomonidan xodimlardan biriga nisbatan e’tiroz kayfiyati shakllangani aniqlandi, deb xabar berdi XTV.
Toshkentdagi mehribonlik uyida bolaga kuch ishlatgan tarbiyachi ishdan bo‘shatildi
Poytaxtdagi 21-sonli mehribonlik uyida bolaga jismoniy tazyiq o‘tkazganlikda gumon qilingan tarbiyachi o‘z arizasiga muvofiq ishdan bo‘shatildi. Jabrlanuvchining o‘ng qo‘l tirsagi, chap yelkasi va o‘ng oyog‘ining son qismida ko‘kargan yaralar aniqlandi. Mehribonlik uyi shifokori unga ko‘rsatgan yordamini bemorlar jurnaliga kiritmagani ham ma’lum bo‘ldi. Yunusobod tuman prokuraturasi tekshiruv o‘tkazmoqda.
Milliy gvardiya 1200 ga yaqin bolaning asrab olinishiga yordamlashdi
Yetim bolalarni tarbiyalashning yangilangan tizimi joriy etilganidan so‘ng to‘rt oy ichida 7 ta Mehribonlik uyi va 3 ta bolalar shaharchasi yopildi. Bolalar asrab olingan, qarindoshlari qaramog‘iga olingan yoki oilaviy bolalar uylarida tarbiyalanmoqda.
Farg‘onadagi mehribonlik uylarida tarbiyalanuvchi qolmadi va muassasalar faoliyati to‘xtatildi
Farg‘ona viloyatidagi mehribonlik uylarida tarbiyalanuvchi qolmadi va muassasalar faoliyati to‘xtatildi. Dang‘ara tumanida yashovchi Berdiyevlar oilasi 6 nafar tarbiyalanuvchini asrab olib, “Bolalar baxti” nomli oilaviy bolalar uyini tashkil qildi. Shuningdek, Qo‘qon shahrining O‘zbekiston va Toshloq tumanlarida ham oilaviy mehribonlik uylari tashkil etilgan. Muassasaning 80 nafar sobiq ishchi-xodimlari mutaxassisligi bo‘yicha yashash manzillariga yaqin bo‘lgan joylarda ish bilan ta’minlanmoqda.
Yillab navbatda turish fuqarolarni bola sotib olishga majbur qilmoqda — Rustam Jo‘rayev
Senatning 20-yalpi majlisida Milliy gvardiya qo‘mondoni Rustam Jo‘rayev yillar davomida navbatda turish fuqarolarni noqonuniy yo‘llar bilan bola sotib olishga majbur qilayotganini ma’lum qildi. U hozirgi kunda 500 nafardan ortiq bolani asrab olishga qariyb 5800 nafar fuqaro navbatda turganini qayd etdi.
Milliy gvardiya Mehribonlik uylaridagi bolalarni oilaga qaytarishga ko‘maklashadi
Milliy gvardiya prezident qarori bilan o‘ziga biriktirilgan Mehribonlik uylaridagi bolalarni ota-onalariga qaytarish, vasiy tayinlash va farzandlikka olishga ko‘maklashadi. O‘quv-tarbiya muassasalarida tarbiyalanuvchilarning muammolarini o‘rganish va hal etish uchun «Mehr daftari» tizimi joriy qilinadi.
Vasiylikka olingan yetim bolalarga ham OTMga kirish uchun kvota ajratiladi
Joriy yildan homiylikka yoki patronatga olingan 25 yoshdan oshmagan yetim bolalar Mehribonlik uylari bitiruvchilariga ajratilgan OTMga kirish uchun qo‘shimcha kvotadan foydalanishi mumkin. Jami 6,2 ming nafar bolaga qo‘shimcha kvota berish kutilmoqda. Qolaversa, ularga 50 foiz oshirilgan miqdorda stipendiya to‘lanadi. Nodavlat o‘quv kursida o‘qish harajati va xorijda davolanish uchun kompensatsiya, kitob harid qilishga esa subsidiya beriladi.
«Bolalar g‘amxo‘rlikni to‘liq his qilayapti-mi? Afsuski, yo‘q». Prezident — mehribonlik uylari tarbiyalanuvchilari haqida
Chorshanba kuni o‘tkazilgan yig‘ilishda Shavkat Mirziyoyev mehribonlik uylaridagi bolalar g‘amxo‘rlikni to‘liq his qilmayotganini qayd etdi. Shuningdek, hokimlar, sektor rahbarlari va Xalq ta’limi vazirligi mehribonlik uylari bilan yetarlicha ishlamagani tanqid ostiga olindi. Shundan kelib chiqib, 16 ta «Mehribonlik uyi» va 4 ta «Bolalar shaharchasi» Milliy Gvardiya tizimiga o‘tkazilishi ma’lum qilindi.
Prezident mehribonlik uylarini Milliy gvardiya mas’ulligiga o‘tkazishni taklif qildi
Shavkat Mirziyoyev poytaxtdagi 21-mehribonlik uyiga tashrif buyurdi. Prezident ta’kidlashicha, «mehribonlik uyida sharoitlar yaxshi, lekin tarbiyalanuvchilarning 18 yoshdan keyingi mustaqil hayotiga ko‘maklashuvchi mas’ul idora yo‘q». Shu sababli, davlat rahbari barcha mehribonlik uylari va maxsus maktab-internatlarni Milliy gvardiya mas’ulligiga o‘tkazish taklifini bildirdi.
O‘zbekistonda yangi mehribonlik uylarini ochmaslik taklif etilmoqda
Toshkentda noinstitutsionllashtirishni tezlashtirish bo‘yicha birinchi xalqaro konferensiya o‘tkazildi. Tadbir ishtirokchilari yangi internat muassasalarining ochilishiga yo‘l qo‘ymaslikni va mavjud muassasalarni ijtimoiy xizmatlar markazlariga aylantirishni taklif qilishdi.
Kitob tumani mehribonlik uyidagi bolalar Qamashi tumaniga ko‘chirildi
Kitob tumanidagi 5-sonli Mehribonlik uyida bolalar uchun sharoit yomonligi va uning talabga javob bermasligi aniqlangach, 2 may kuni mehribonlik uyidagi 65 nafar tarbiyalanuvchilarining 10 nafari yaqin qarindoshlari oilasiga, 55 nafari Qamashi tumanidagi 4-sonli mehribonlik uyiga ko‘chirildi.
Kitobdagi bolalar uyini bir yil avval yopish rejalashtirilgan bo‘lgan
Kitob tumani hokimiyati bolalar yomon sharoitda yashayotgan 5-sonli mehribonlik uyini bir yil avval yopish rejalashtirilganini ma’lum qildi. Xalq ta’limi vaziri Sherzod Shermatov bolalarni boshqa muassasalarga o‘tkazish va bu yerda bolalar shaharchasini tashkil etishni taklif qilgan.
Prezident Namangandagi Mehribonlik uyida bo‘lganida bag‘riga bosgan qiz oilasiga qaytdi
Prezident Shavkat Mirziyoyev Namangandagi 26-Mehribonlik uyiga tashrifi chog‘ida bag‘riga bosgan qizaloq oilasiga qaytdi.
Eng ko‘p o‘qilgan xabarlar | So‘nggi yangiliklar
- O‘zbekistonda metan zapravkalarga gaz yetkazib berish vaqtincha cheklandi
- O‘zbekistonning har bir tuman va shahrida kamida bittadan inklyuziv maktab tashkil etiladi
- Video: Buxorodagi xonadonda gaz portladi
- Toshkentda voyaga yetmagan qizni mehmonxonaga olib borib, unga shilqimlik qilgan va jarohat yetkazgan erkak qamaldi
- O‘zbekistonda dollarning rasmiy kursi ilk bor 13 000 so‘mdan oshdi
Qo‘shimcha imkoniyatlardan foydalanish uchun saytda ro‘yxatdan o‘ting